በፀሐይ ኃይል ማመንጫ ዘርፍ ለመሰማራት 68 የባሕር ማዶ ኩባንያዎች ፍላጎት አሳይተዋል Featured

02 Dec 2017

በኢትዮጵያ ከሚካሄዱ የታዳሽ ኃይል ምንጮች መካከል አንዱ በሆነው የፀሐይ ኃይል ዘርፍ ለመሰማራት ከ68 በላይ የባሕር ማዶ ኩባንያዎች ፍላጎት ማሳየታቸውን የኢትዮጵያ ኤሌክትሪክ ኃይል አስታወቀ፡፡

የኢትዮጵያ ኤሌክትሪክ ኃይል ዋና ሥራ አስፈፃሚ ኢንጂነር አዜብ አስናቀ በተለይ ለአዲስ ዘመን ጋዜጣ እንደገለጹት፤ ኢትዮጵያ በኃይል ማመንጫ ዘርፍ በግል ባለሃብቶች ተመራጭ እየሆነች ትገኛለች፡፡ በመተሃራ ፀሐይ ኃይል ማመንጫ ፕሮጀክት ጨረታ ከ68 በላይ ኩባንያዎች ለመወዳደር መጥተዋል፡፡ ኩባንያዎቹ በኢትዮጵያ ለመስራት መፈለጋቸው እንደ አገር ትልቅ ትርጉም አለው፡፡ ከመተሃራ በተጨማሪ በሌሎች ፕሮጀክቶችም ላይ ለመሰማራት ባለሃብቶች ከፍተኛ ፍላጎት አሳይተዋል፡፡

‹‹ባለሃብቱ በዘርፉ ለመሰማራት ብዙ ነገር ይፈልጋል›› ያሉት ኢንጂነር አዜብ፤ መዋዕለ ንዋዩን ሲያፈስ ፈታኝ ሁኔታዎች እንዲኖሩ አይሻም፤ ቢያንስ የሚያወጣውን ገንዘብ መመለስ ይፈልጋል፡፡ ለዚህም በቅድሚያ የአገሪቱ መረጋጋት ወሳኝ ነው፡፡ ኢትዮጵያም በፖለቲካ፣ ኢኮኖሚና ማህበራዊ ዘርፍ የተረጋጋች መሆኗ ለባለሀብቱ ፍላጎት መጨመር ተጨማሪ ምክንያት ስለሚሆን ሰላምን የማረጋገጡ ጉዳይ ተጠናክሮ መቀጠል አለበት፡፡

የባሕር ማዶ ባለሃብቶች ከመተሃራው በተጨማሪ በመቀሌና በሁመራ የፀሐይ ኃይል ማመንጫ ፕሮጀክቶች ለመሰማራት ፍላጎታቸውን አሳይተዋል፡፡ የመተሃራውን በተመለከተ ‹‹የጨረታ ሂደቱን እየጨረስን ነው›› ያሉት ኢንጂነር አዜብ፤ አሸናፊው ኩባንያ የተለየ ሲሆን ስምምነቱ በቅርቡ እንደሚፈረም ይጠበቃል፡፡ የሌሎቹም ፕሮጀክቶች ጨረታ በሂደት ላይ ይገኛል፡፡ በሃይል ዘርፍ ከውጭ ኩባንያዎች በተጨማሪ የአገር ውስጥ የደረጃ አንድ ሥራ ተቋራጮች እንዲሳተፉ ቢፈለግም ፍላጎት ያሳዩት የተወሰኑ ናቸው፡፡ ይሄ ከአቅም ጋር የሚያያዝ በመሆኑ በቀጣይ ከባሕር ማዶዎቹ ጋር አጣምሮ ለማሰራት እየተሞከረ ነው፡፡

በግል ባለሃብቱ የሚከናወነው የኃይል ማመንጫ ከጊዜ ወደ ጊዜ እያደገ ሲሆን፤ ከዚህ ቀደም እያንዳንዳቸው 500 ሜጋ ዋት የሚያመነጩት የኩርቤቴ እና ቱሉሞዬ የእንፋሎት ኃይል ማመንጫዎች ግንባታ በመጠናቀቅ ላይ እንደሚገኙ ለማወቅ ተችሏል፡፡ የፕሮጀክቶቹ መነሻ ወጪ ወደ አራት ቢሊዮን ዶላር ይጠጋል፡፡ ከኢንጂነር አዜብ አስናቀ ጋር የተደረገውን ሙሉ ቃለ መጠይቅ በኢኮኖሚ አምድ ገፅ ዘጠኝ ያገኙታል፡፡

አዲስ ዘመን ጋዜጣ ሚያዝያ 4 ቀን 2010 ዓ.ም
በብሩክ በርሄ

ማህበራዊ ድረገፃችንን ይጎብኙ

 

የጎብኝዎች ብዛት

0000868734
TodayToday1520
YesterdayYesterday2316
This_WeekThis_Week14783
This_MonthThis_Month39532
All_DaysAll_Days868734

       በኢትዮጵያ ውስጥ የተገነባው የመጀመሪያው ኦፐሬቲንግ ሲስተም ኢትዮኑክስ ስርጭት ላለፉት 8 ዓመታት (1999-2007 ..) በኢትዮጵያ ፕሬስ ድርጅት፣ በኢትዮጵያ ዜና አገልግሎት ላለፍት 2 ዓመታት እንዲሁም በኢትዮጵያ ገቢዎችና ጉምሩክ ባለሥልጣን ወርሃዊ ጋዜጣ ላይ ላለፈው 1 ዓመት በተግባር ተሞክሮ ሥራ ላይ ውሏል። ይህ ድረገጽ በኢትዮኑክስ ኦፐሬቲንግ ሲስተም ላይ ተገንብቶ የሚሰራ ነው።