የመሰረታዊ ብረታ ብረት ምርት ዝቅተኛ መሆኑ ተገለጸ Featured

26 Nov 2017


የአገር ውስጥ መሰረታዊ ብረታብረት ምርትን በታቀደው መሰረት ማምረት ባለመቻሉ ካለፉት ሁለት ዓመታትም ጋር ሲነፃፀር ዝቅተኛ መሆኑን የብረታብረት ኢንዱስትሪ ልማት ኢንስቲትዩት አስታወቀ፡፡

የብረታብረት ኢንዱስትሪ ልማት ኢንስቲትዩት የኮርፖሬት ኮሙኒኬሽን ዳይሬክተር አቶ ፊጤ በቀለ በተለይ ለአዲስ ዘመን እንደገለጹት፤ መሰረታዊ የብረታብረት ምርቶች ቱቦላሬ፣ ቆርቆሮና ሚስማር የመሳሰሉ የኮንስትራክሽን ግብዓቶች በስድስት ወር ውስጥ ለማምረት የተያዘውን እቅድ ማሳካት አልተቻለም፡፡ ይህም ከባለፉት ሁለት ዓመታት ጋር ሲነፃፀር ዝቅተኛ ነው፡፡

እንደ አቶ ፊጤ ገለፃ፤ በተያዘው በጀት ዓመት በስድስት ወራት ውስጥ 9 ሺ 226 ነጥብ 2 ቶን ለማምረት ታቅዶ የነበረ ቢሆንም፣ ማምረት የተቻለው 2 ሺ 915 ነጥብ 5 ቶን ሲሆን የተመረቱት መሰረታዊ ብረታብረቶች 6 ነጥብ 19 ቢሊዮን ብር ዋጋ አላቸው፡፡ በአገር ውስጥ መሰረታዊ ብረታብረት የሚያመርቱ 12 ኢንዱስትሪዎች 2ሚሊዮን 163 ሺ ቶን የማምረት አቅም ያላቸው ቢሆንም የአቅማቸውን ያህል እያመረቱ አይደለም፡፡

ያሉትን ችግሮች ለመፍታት ተጨማሪ በግንባታ ላይ የሚገኙ ስድስት አምራች ፋብሪካዎች እንዳሉ አቶ ፊጤ አመልክተዋል፡፡ ኢንዱስትሪዎቹ ከአቅማቸው በታች እንዲያመርቱ ያስገደዳቸው የግብዓት እጥረትና የጥሬ እቃ አቅርቦት ከፍተኛ የውጭ ምንዛሪ መጠየቁን በምክንያትነት አቅርበዋል፡፡ የ2010 ዓ.ም የግማሽ ዓመት የአገር ውስጥ የብረታብረት ምርት ከውጭ ከሚገባው ጋር ሲነጻጸር 44 ነጥብ98 በመቶ ያህሉን ብቻ የአገር ውስጥ ፍላጎትን ያሟላ መሆኑን ጠቅሰዋል፡፡ በስድስት ወር ውስጥ ከውጭ ስድስት ሺ 448 ቶን ደግሞ ከውጭ ገብቷል፡፡

እንደ ኢንስቲትዩቱ መረጃ 2009 ዓ.ም በስድስት ወር የተመረተው 391ሺ 445 ቶን ሲሆን፣ በዚህም 48 ነጥብ ስምንት በመቶ የአገር ውስጥ ፍላጎትን መሸፈን ተችሎ ነበር፡፡ በ2008 ዓ.ም ተመሳሳይ ወቅት ምርት 316 ሺ 443 ነጥብ አምስት ቶን ሲሆን፤ 2009 ዓ.ም ደግሞ 397 ሺ 62 ቶን ነበር፡፡

አዲስ ዘመን ጋዜጣ ሚያዝያ 4 ቀን 2010 ዓ.ም
በሰላማዊት ንጉሴ

 

ማህበራዊ ድረገፃችንን ይጎብኙ

 

የጎብኝዎች ብዛት

0000868733
TodayToday1519
YesterdayYesterday2316
This_WeekThis_Week14782
This_MonthThis_Month39531
All_DaysAll_Days868733

       በኢትዮጵያ ውስጥ የተገነባው የመጀመሪያው ኦፐሬቲንግ ሲስተም ኢትዮኑክስ ስርጭት ላለፉት 8 ዓመታት (1999-2007 ..) በኢትዮጵያ ፕሬስ ድርጅት፣ በኢትዮጵያ ዜና አገልግሎት ላለፍት 2 ዓመታት እንዲሁም በኢትዮጵያ ገቢዎችና ጉምሩክ ባለሥልጣን ወርሃዊ ጋዜጣ ላይ ላለፈው 1 ዓመት በተግባር ተሞክሮ ሥራ ላይ ውሏል። ይህ ድረገጽ በኢትዮኑክስ ኦፐሬቲንግ ሲስተም ላይ ተገንብቶ የሚሰራ ነው።